【中國鞋網】中信泰富(0267)炒外匯輸過百億后，「榮太子」榮智健拱手讓出控制權，仲要被迫落臺謝罪。除此之外，噚日小琴睇番中信泰富年報，原來成個董事會去年都大減薪，減幅超過九成。榮太子本人前年人工加花紅有成6000幾萬，但08年就只系384萬，少收6300萬，減幅高達94％，而留任董事會的榮太子「太子」榮明杰，也大減薪酬近九成。

　　中信泰富玩外匯accumulaor，真系贏粒糖輸間廠，一蝕成百幾億，都可謂創香港藍籌公司之最。雖然過百億合約，依家大部分都轉去阿媽中信集團度，但系榮太子亦因此失落中信泰富控制權。

　　其子已削薪1500萬

　　榮太子下臺之際，中信泰富噚日發布年報，就披露成個董事會都無曬花紅以共度時艱。其中榮太子本人，08年就只系384萬人工加花紅，同前年6699萬比起來，真系天壤之別。同樣范鴻齡同李松興兩位，前年夾埋搵成億銀，去到08年亦大減至得番二三百萬。至于榮太子公子榮明杰，亦減薪89％，08年收186萬元。

　　之不過，被指直接負責中信泰富外匯accumulaor前財務董事張立憲，以及前財務總監周志賢，最先已經宣布離職，佢兩人薪金分別系189萬元及171萬元，亦分別減92％及90％。